• Памятны знак К.Сіманаву Памятны знак К.Сіманаву
  • Aграгарадок Вейна Aграгарадок Вейна
  •  Аграгарадок Буйнічы Аграгарадок Буйнічы
  • Aграгарадок Рэчкі Aграгарадок Рэчкі
Галоўная / Навіны / Навіны рэгіёну

Ордэнам Маці ўзнагароджаны 105 жыхарак Гомельскай, Гродзенскай, Мінскай і Магілёўскай абласцей

07.09.2018

7 верасня, Мінск /Кар. БЕЛТА/. Ордэнам Маці за нараджэнне і выхаванне пяці і больш дзяцей узнагароджаны 105 жыхарак Гомельскай, Гродзенскай, Мінскай і Магілёўскай абласцей. Адпаведны ўказ Прэзідэнт Беларусі Аляксандр Лукашэнка падпісаў 6 верасня, паведамілі БЕЛТА ў прэс-службе кіраўніка дзяржавы.

Узнагароды ўдастоены работніцы сельскагаспадарчых, прамысловых і будаўнічых прадпрыемстваў, устаноў культуры і адукацыі, арганізацый аховы здароўя, гандлю, абслугоўвання насельніцтва.

Сярод узнагароджаных культарганізатар Цэнтра творчасці дзяцей і моладзі Чыгуначнага раёна Гомеля Наталля Багданава, работніца Калінкавіцкага цэнтра стандартызацыі, метралогіі і сертыфікацыі Алена Лісунова, палявод прадпрыемства "Доцішкі" Воранаўскага раёна Ганна Кулік, прадавец магазіна Астравецкага філіяла Гродзенскага абласнога спажывецкага таварыства Алеся Несцер, санітарка Лапіцкай участковай бальніцы Святлана Грышановіч, маляр Міжраённага домабудаўнічага камбіната Бабруйска Надзея Ляснічая, кантралёр Мінскага аўтамабільнага завода Ніна Асановіч, повар Пагосцкага вучэбна-педагагічнага комплексу дзіцячы сад - сярэдняя школа Бярэзінскага раёна Алена Жылко.-0-

НАВIНЫ БЕЛАРУСI