Надзвычайны і Паўнамоцны Пасол Рэспублікі Беларусь у Кітайскай Народнай Рэспубліцы Юрый Сянько 25 студзеня сустрэўся з генеральным сакратаром Кітайскай асацыяцыі па гандлі паслугамі (China Association on Trade in Services, CATIS) Чжунам Цзэюем. Аб гэтым карэспандэнту БЕЛТА расказалі ў беларускай дыпламатычнай місіі ў Пекіне.

У час сустрэчы былі абмеркаваны актуальныя пытанні двухбаковага гандлёва-эканамічнага супрацоўніцтва ў галіне гандлю паслугамі. Пасол Беларусі і кіраўнік асацыяцыі дасягнулі дамоўленасцей па супрацоўніцтве ў пытаннях развіцця электроннай камерцыі, транспарту, лагістыкі, фінансаў.

Юрый Сянько адзначыў гатоўнасць беларускага боку актыўна ўдзельнічаць у мерапрыемствах асацыяцыі, а таксама падкрэсліў значнасць сучасных механізмаў супрацоўніцтва, накіраваных на пашырэнне экспарту якаснай беларускай прадукцыі на кітайскі рынак. Генеральны сакратар Кітайскай асацыяцыі выказаў зацікаўленасць у практычнай рэалізацыі абмеркаваных на сустрэчы прапаноў.

БелТА