Добрыя справы аб'ядноўваюць
У рамках рэспубліканскай дабрачыннай акцыі па добраўпарадкаванні рэлігійных аб'ектаў «Аднаўленне святынь Беларусі. Нас аб'ядноўвае гісторыя і вера» актывісты абласнога і раённага камітэтаў грамадскага аб'яднання« БРСМ» сумесна з навучэнцамі і прадстаўніком педагагічнага калектыву ДУА «Камінтэрнаўская сярэдняя школа» займаліся добраўпарадкаваннем тэрыторыі Свята-Траецкага храма і крыніцы ў аграгарадку Палыкавічы.
Актывісты БРСМ прыбралі сухую расліннасць і галінкі, падмялі прылеглую да крыніцы і храму тэрыторыю.
Як адзначыў настаяцель Свята-Траецкага храма айцец Аляксандр, такога роду мерапрыемствы выхоўваюць і развіваюць у падрастаючага пакалення духоўна-маральныя каштоўнасці, вучаць дапамагаць і быць датычнымі да добрых спраў. Айцец Аляксандр пажадаў усім прысутным добрага здароўя і поспехаў.
Юлія Давыдзенка
Фота Юліі Марковіч